"Yun rakhna mujhko antim path par"

Antim Ichha batlata hun me..
kya chahta sabse samjhata hoon me ..
marne se pehle , marne ke baad....
kya aarzoo hai meri rooh ki ......batlata hun me ..

Meri rooh bhi jaate jaate duaayen degi ...
jo chahta hun wo kar dena ...

"Fir is gumnaam shayar ko tum .. antim path par rakhh dena"

Ta umra mohobbat ki hai mene.., sirf unhi ka naam liya hai mene...
khela hun unhi ki zulfon se mein ..., thehra hun unhi ke pehlu me mein ....

Jab me loon aakhri saansen ..
to bistar se uthakar .. unhi ke pehlu me rakh dena ..

"Fir is gumnaam shayar ko tum .. antim path par rakhh dena""

wo palak ke neeche aankhe meeche .. , rakhte hain mujhko sabse chupa ke ..
har lamha apne paak dil me .. , rakha hai mujhko barson se saja kar...

Beshak udhao mujhe kafan ki chaadar ..
magar us chaadar par unki ... chunri bicha dena ..

"Fir is gumnaam shayar ko tum .. antim path par rakhh dena"

Unki aankho ki tareef me kya karun ... har mousam me barasti rehti hain ..
wo kehti hain mujhse humesha ... "tere deedar ko tarasti rehti hain"

jab meri arti uth-ti hogi ...
Wo sisak kar., bilak kar .. ro padenge ...
Aakhri deedar hai unki bheegi aankho ka .. ..un aansuon ko rokna matt..!!..
Behne dena ..

"Fir is gumnaam shayar ko tum .. antim path par rakhh dena"..........

"Ab me Boodha ho ChukA "

Ek din, ..me thak-kar...,zindagi se tang aakar...

apne bachhon ko pass bithakar ..

unhe ye samjhaya karta hoon ...

kya khoya kya paya mene ..unko bayan karta hoon ...

"Me boodha ho chuka ab ..

haalat meri theek nahi ...

kaya se pareshaan hu apni ..

kuch bhi mere liye asaan nahi ...

Do kadam chalta hoon, to saan fool jaati hai ..

baith kar fir utha hoon, to kamar dukhh jati hai ..

mene tumko paala posa .. par ab bhi kuch zimmedariyan baaki hain ..

Meri do do sundar bitiya raani ... abhi inki shaadi baaki hai..

Dawaiyon ka kharch kam hota to shayad inke gehne banwa leta ..

chote ladke ki school ki fees ..wakt wakt par bharwa deta ..

Har baar tumhare manchahe tohfe..

Diwali pe laane ka waada karta hoon ..

Par kya karun bachhon ,chhat ko dekho ..

har saal marammat kiya karta hoon ..

Na jaane kab tak jee paaunga ...

magar sach kehta hoon .., hoon me jab tak .

ek baap ka farz nibhaunga ..

me mar jaun to mujh par kharch na karna ..

halka sa hoon,shamshaan tak le jaane ke liye koi gaadi na karna..

me naam kuch kar jaun tumhare ..

aisa to mee paas kuch bhi nahin..

Haan, ek maafi naama de jaunga ..

gar mere bachhon bhool hoye kuch ..

maaf kar dena ..,me Ganga Nahaunga........."

"Yaadav Ji aur Pandey Ji"

i m postin sumthn wch is in a difft. genre ths time ..
This is teh Conv. between .. a yadav .. n a panDey ..
its a comic poSt...fer teh frst Time :P...


"Yaadav to Pandey""..

Yaadav : Pandey ji ...
Pandey : Ji yaadav ji ..
Yaadav : Kahan se hain aap ????
Pandey :Ji hum uttranchal se ..
Yaadav : uttranchal kahan hai ??
Pandey : Mazak kar rahe hain kya ??
Yaadav : arrey naahi pandey ...
Pandey : pandey "Ji" kahiye..!!
Yaadav : haan wahi ,..Joking nahi na kar rahe hum..humaar geography me thoda handwa tight hai ...
Pandey:  ji uttranchal India me hai aur  kahan .. !!
Yaadav : O hi to humka nahi na pata ki India me kahan hai ??:P
Pandey : UFF.....!!
Yaadav :  Arrey narbhasaiyega nahi .. hum funn kar raha hu ... :P ...

(after a while) ....

Yaadav :Paandey ji ..
pandey : ji kahiye ..
Yaadav : Sasur thhand bahut jiyaada hai ..
Pandey : haan to aapko kambal chahiye ?? me doon ?
Yaadav : HAHAHAHHAAH !!(laughs ina bihari stYle)
Pandey : kya hua ??!!
Yaadav : hum bihari log kambal nahi.."khamba" use kare hain ..
Pandey : khamba ??!!
Yaadav : ka hua ?? dunt know khamba ?
pandey : ji me samajh gaya yaadav ji  ..
yaadav : haan to lijiyega kya ???Total mindwa phireshh ho jayega gaarantee ke sath !!..
Pandey : ji nahi me nahi peeta ... !!
Yaadav : arrey peeta to hum bhi nahi hoon magar pilaata sabko hoon :P HAA HAA HAA(laughs ina bihari stYle)....
Pandey : Mazaak tha ??
Yaadav : Arrey narbhasaiyega nahi na ... hum fun kar raha hu ....

(after a while)..

Yaadav : achha paandey ji .. !!
Pandey : jiiii yaadav ji ...
Yaadav : hum shahrukh jaisa lagta hoon ka ??
Pandey : Kya ?? kya bakwas hai ye ?? kisne kaha aapko ??
Yaadav : humaar joru(wife) hume roz kahet rahi .. ki shahrukhwa ka ektto copy hun ..
Pandey : ji nahi aap nahin lagte ...
Yaadav : to you tell, kiske jaisa lagta hoon ??
Pandey : ji me film nahi dekhta ...
Yaadav : dekhta to hum bhi nahi hoon..par phir bhi sab heero jaisa lagta hoon..HAA HAA HAA(laughs ina bihari stYle)...
Pandey : AAP BAKSHIYE MUJHE !!!
Yaadav : Arrey narbhasaiyega nahi na ... hum fun kar raha hu .....

(after a while)...
This Time Pandey Asks yadav ..

Pandey :  yaadav jiiii...
yaadav : arrey waah .. aap humaar name pukaare .. kahiye kahiye .(gets Xited)
pandey : aap bachpan se hi aise hain ??!!
Yaadav : ji haan .. hum bachpan se hi sMart boy hoon .. :)
Pandey : Kamaal hai ... AApki dharampatni ne to mujhse  kuch aur hi kaha tha aapke baare me..
Yaadav : hain ?? :-O
Pandey : HAA HAA HAA..(laughs in a bihari stYle to tease him more :P)...
" Arrey narbhasaiyega nahi na ... hum fun kar raha hu ...."

" Wo january ki sard raat"

Lekar baitha hu aaj me kaagaz aur ye kalam ..
"aur dil dhadak raha hai"..

le li hai haath me fir wahi botal...
"aur dil behak raha hai"..

Zikra chhed raha hu january ki us sard raat ka ..
"aur dil machal raha hai"

Chupke chupke chhat par unki khada tha me ek shawl lapete ..
thi sard hawa, thi sard fiza..
par garam tha jism jaise agan lapete...

kab aayenge wo bhi chhat par.
yahi soch soch muskaata tha ..
har halki c aahat pe bhi ...
unhi ka khayal aata tha...

"halaat bade naazuk the yaaraon ..
zara thehro ..khud ko sambhaal lu yaaron"..

bin piye jaise behak raha tha me ..
sard hawaon se nahi , unki saanso ki garmi se kapkapa raha tha me..

Pass bithaya apne unko ..
haal bataya apna unko ..
Kal raat jo dekha khwaab tha mene ..
seene se laga kar sunaya unko ..

wo hass diye ,bole.."kareeb aao mere"

aankho ko chooma , bole .. "ab door na jane mujhse"

gaalon ko chooma , bole ..
"har lamha intezaar kiya karti hoon, bin tere mar mar ke jiya karti hoon"..

adhkhule hoto ko chooma, bole ..
"khwaab nahi hakikat hai ye ..
haan me tumse shiddat se mohobbat karti hoon"..

wo nasha na jaane kaisa tha mujhpar ..
wo thakan na jaane kaisi c thi ...
ek junoon tha mohobbat me fana hone ka ..
ek sukoon tha pal bhar ke liye zamaane se juda hone ka..

raat guzar rahi thi .. savere ka paigaam aaya tha ..
ab me samajh gaya tha me , juda hone ka wakt aaya tha ..
ruksat lene ko na hum kahen ,na wo kahen..ek sannaata sa chaaya tha ..
Dekha jo gaur se aankho me unki..
ek bheega sa moti nazar aaya tha ..

wo raat na jaane kyun choti lagi mujhko ..
wo subah na jane kyu khoti lagi mujhko ..
 pehlu se nikal kar unke ..apne des jana tha mujhko ..
magar unke bina .. des mera..Pardes sa nazar aaya mujhko ...........

" E mere dushman ... E mere bhai "

Dedicated to all the hindu & muslims who lost thr families ,houses in teh riots ....

God bless all ... !! n ths peace remain thr fereva ..

E mere dushman .. e mere bhai ...

Ab khoon ki holi band karo ..bas khatm ye narsanhaar karo...

Tu hindu hai to Raam se darr...Moulana hai to allah se darr...

Kisne kiske Kitne maare... , bas khatm is karobaar ko kar....

Ek laash padi har mod pe dekho.....hai khoon baha apno ka dekho...

koi hindu tha koi muslim tha ..jhagde me marne walon me

ek widhwa ka beta bhi tha ...

har ghar se cheekh sunai deti ..koi bete ko ..koi baap ko roti ..

Jo bhai the kuch din pehle tak ..ab behno ki izzat loot rahe ..

jo bete the kehte khudko kabhi ..aaj baap ko zinda foonk rahe...

ye gali mohalle ye gaon ki galiyaan .. jahan pale bade ..jawaan hue ..

aaj jala rahe ho tum us ghar ko ...jahan rahe the tum mehmaan bane..

jahan khet the pehle hare bhare.. ab veerane jaise lagte hain ...

jahan mandir masjid girjaghar the .. ab shamshaan purane lagte hain ....

na hindu bacha ..na muslim bacha...bacha to ik sannata bacha...

na shor kahin ,na cheekh kahin ..na allah hu akhbar ..na raam rahim ...

ab aansu beh beh sookh chuke...ab saare sapne toot chuke...

or jo apne the wo rooth chuke....

Kya Khoya kya paaya tumne..aapas me ladkar sab kuch gawayan tumne..

na jaane kaise imaan bechkar...apne dharm ko nibhaya tumne...

Kehte the Khud ko "sachha hindu ....Sachha muslim"

ab sachhai tumhare aage hai..

"na sachhe hindu Tum bane... na sachhe tum musalmaan rahe............."

" Shringaar"

"Aayina dekh ke bole ye sanwerne waale.............aaj to be-mout marege mujh par marne waale"

This is a bit incomplete .. .. i dunnoi wen will i complete it ... !!
may b i like it ths way nly ehehe .. !!
(dedicated To teh gal in ths pic )

"Raat ko aankhe band hui ,fir aankh khuli mere khwaabon ki ..
Me mand mand muskaata gaya ..
us manzar me dhalta sa gaya ..

jab dekha bheetar jhaank-jhaank ke ..
ek saanjh c sundar murat ko ..
yun laga tha jaise pehle bhi ,hoon dekh chuka is surat ko ..

Chandan se badan ki naar naveli .,chandan ka lep lagati hui ..
phir naazuk komal hathon se..hole se zulf hilati hui ...
le pani bhar bhar phoolon waala....
apne abron se lagati hui ...

heere sa taraasha jism hain pyaara ..
jaise ho jagmag raat me tara ...
balkhati hui .. lehraati hui ..koi dekh na le ghabraati hui ...

Shringaar me doobi husn pari , bekhabra hai meri aankho se ..

me Dekhu usko door khade . .kabhi khidki se kabhi choukhat se .. !!

"Nasir kaZmi ."

Nasir kazmi is one of my fav writer...
today .. most of teh gazalz sung by "jagjit sing & teh vy famous Gulam ali khan sahab" written by him nly ....
this one fer u nly "Nasir sahab"

Nasir kya kehta phirta hai ..kuch na suno to behtar hai .....
Deewana hai deewane ke muh na lago to behtar hai ...

Kal Jo tha wo aaj nahi .. aaj jo hai kal mit jayega..
rookhi sookhi jo mil jaye .. shukra karo to behtar hai ...

Kya jaane kya rut badle .. haalat ka koi theek nahi ...
ab ke safar me tum bhi mere saath chalo to behtar hai ...

Kapde badal kar .. baal banaakar..kahan chale ho kis ke liye ??
Raat badi kaali hai Nasir .. ghar me raho to behtar hai .......

"...Subah Subah .. "

I dunno who wrote these lines .. !! but i heard ths poem wen i was in amritsar .. long time back ..its a beautiful poem .. its fer teh refugees from neighbrin countries .. !

" Subah subah Ek khwaab ki dastak par darwaaza khola..

Dekha ..!!

Sarhad paar se kuch mehmaan aaye hain ...

aankho se mayoos the saare ... chehre saare sune sunaaye..paon dhoye , haath dhulaye..

aangan me aasan lagwaye ..

Aur tandoor pe makke ke kuch mote mote rot pakaye...

Potli me mehmaan mere pichle saalon ki faslon ka gud laye the .. .

Aankh khuli to dekha ghar me koyi nahi tha ....

haath lagakar dekha to tandoor ab tak bujha nahi tha ...

aur meethe gud ka zaayka ab tak hotho se chipak raha tha ...

"..Khwaab tha shayad...... haaan!!, khwaab hi hoga ....

sarhad par kal raat suna hai chali thi goli ..

sarhad par kal raat suna hai .. kuch khwaabon ka khoon hua hai............."

"Kyun aaj tum kuch khaas lage mujhko"

I met a vry close frnd of mine .. afta a very long time .. she was lukn compltly diffrnt .. evythng was like so new ... eheh .. i wrote ths that nit .. just fer her........


"kyun aaj tum kuch khaas lage mujhko ...
kyun mere dil ke itne paas lage mujhko .."

Sab kuch waisa tha jaisa chhod gaye the tum us din ..
fir kyun aaj sab kuch naya sa laga mujhko ..??

Ehsaas naya hai shaayad mera ..
ya khwaab hai koi naya naya sa...
neend me khoya tha me jaise..
aaj savera dikha hai mujhko ...

Aankhe wahin hai bholi bhali..
chehra wahi hai chaand sa pyaara ..
hoth wahi hain mey ke pyaale...
zulf wahi hain raat ka saya.....

wahi nasha hai baaton me ab bhi ...
wahi hai dheere se muskaana.................

"kyun dhoondh raha hoon kuch naya sa tujhme ..
jab sab kuch to hai wahi purana"

itne sawalon me dooba ke mujhko ...
adhoore jawaab suna ke mujhko ...
kehte hain wo "weham hai tera...zehan me tere ajab andhera..
dekh mujhe me ab bhi wahi hoon .. wahin khadi thi .. wahin khadi hoon"

hahaha.... "tum kehte ho to sach hi hoga.... , shayad weham hua hai mujhko ...
par ye pehli baar nahin hai ... , har baar tum kuch khaas lagi mujhko ..."

"SuhaaG raat ki Sejj Pe baithi Dulhan"

Sehmi hui c Ek pari .. baithi hai aankho me sapne liye ....
na jaane kin khayalon me khoyi hui ,man hi man muskaati hui..
baithi hai bistar ke beecho beech...bistar ki dono karvaton ko nihaarti hui ..
dekh rah ihai na jaane kaise kaise sapne..khud ko darpan me utaarti hui.....

Wo ghaneri zulfein khuli hui...
wo phool se badan ki mehak fiza me pheli hui ....
wo saanso ki garmaahat hotho ko sulgaati hui ....
wo chudiyon ki khhan khhan apne kareeb bulati hui ...

baithi hai dono haatho ko baandh kar .
apne armaano ko dil ke kone me sajaakar...
aankhe betaab hain raah tak-ti hain besabri se..
dil zor zor se dhadkta hai ek ek pal ki deri se...........

dekhe the jo sapne wo mukammal hone ko hain ..
adhoori ji rahi thi ab tak, aaj poori hone ko hai ....
badhte kadmo ki aahat sunke tez hui dhadkan uski ...
ab kisi bhi pal darwaze par dastak hone ko hai ....

kareeb aate dekh unhe khamoshi ki leher phel gayi ..
kamre me chaand ki roshni bistar ke chaaron aur phel gayi...
kaampte hotho se pyaar ka izhaar kare ja rahi wo...
dheere dheere shouhar ki bahon me simat-ti ja rahi wo ...

aankho me aansu bhi hain ..hotho pe muskaan bhi ..
saanso me garmi bhi hai , seene me ajab c thandak bhi ..
khamoshi hai khoobsurat c.... aur chahat ka toofan bhi ..
is haseen lamhe ke kabhi na khatm hone ka armaan bhi .....

"chali hai dulhan ab ek naye safar par .. is sehar ke baad....
intezaar hai ki fir kab aayegi ye milan ki raat ..is raat ke baad" ...

"Sukoon chahta hoon"

Mene kaati hain Raatien tanha jaag jaag kar..
Mene payi hain khushiyaan kisi ke gam baantkar....
Mein jeeta hoon sab kuch sab kuch haar kar...
Mein sholon pe chalta unhe phool maankar..
Ab thak gaya yun jee jee kar....me ab is jahan se Vida chahta hoon..

"Sukoon chahta hoon sukoon chahta hoon .. haan, me sukoon chahta hoon ....."

Tere mere beech hui baaton ko shayari samjh rahe hain log..
mujhe shayar karaar de ke waah-waah kar rahe hain log....
jise sunke karaar aa jaye mere is bechain dil ko ...
me aise lafzon me bayan ek gazal chahta hoon ..

"Sukoon chahta hoon sukoon chahta hoon ... haan ,me sukoon chahta hoon......"

Ek pyaar bhara dil toda hai tune ...
mohobbat ki hawaon ka rukh moda hai tune...
tabah hua me .. barbaad hua me ..
fir bhi nasha hai mohobbat ka itna ...
ki ab bhi tere dil me panah chahta hoon ...

"sukoon chahta hoon sukoon chahta hoon ..haan,me sukkon chahta hoon........."